قصيدةة عن الفراق اليممممممةة



 
الرئيسيةالبـوابـهس .و .جبحـثالمجموعاتالتسجيلدخول

 :: •• آلمنتديآت آلأدبيـﮧ ] « :: !{ آلشعر وآلشعرآء.!~

شاطر

2011-12-10, 05:54
المشاركة رقم:
...::|مشرف|::...
...::|مشرف|::...


إحصائية العضو
avatar

مُشارڪاتے •|~ : 236
التقييمے•|~ : 2
جنسے •|~ : ذكر
بلدے •|~ : السعوديه
تعليمے •|~ : ابتدائي
آنضمآمڪْ » : 01/12/2011
معاينة صفحة البيانات الشخصي للعضو
مُساهمةموضوع: قصيدةة عن الفراق اليممممممةة


قصيدةة عن الفراق اليممممممةة


عقب البطا لاقيت ظافي الجديلات = ياليتنا عقب البطا ماالتقينا


سلمت وقلت لنور عيني سلامات = وش غيًرك ويش السبب ما تبينا


دنق وقال ارجوك إنه العلاقات = شيٍ حصل ماعاد هو في يدينا


قلت السبب قال الليالي غريبات = إنه العلاقه واعتبرنا انتهينا


انا بحبل انسان ماهي دعايات = ارجوك ابعد خايف انًه يجينا


طالعت فيه وهلت العين عبرات = في ساعةٍ غصبٍ علينا بكينا


حاولت اعبر عن همومٍ خفيات = بس الحكي شيفيد مهما حكينا


كتمتهن بالجوف لوهن قويات = راضي على ماصار لو مارضينا


وآخر كلامه قال لي كم كلمات = لاتسيء ضنك في غصبٍ علينا


ولف العباه وراح وانا بحسرات = فرقاًجرت من غير ذنبٍ جنينا


وقفت اخايل غض الأنهاد لحظات = فيهن تهدم كل شيٍ بنينا


وقمت اتذكر كل شيٍ لنا فات = قبل ايتغير بالمحبه حدينا


ياما سهرنا بأظلم الليل ساعات = وياما طلع نور الفجر مادرينا


وياما لنا فوق المراقيب ذكرات = وعلى جبال الزور ياما رقينا


وياما تحملنا الصعوبات مرات = وياما على سود الليالي شكينا


على زمانٍ فات جريت ونات = لو هن على ضلعان مكه تلينا


اقرا الموادع بالقصص والروايات = لاشك ماضنيت بيصير فينا


وارجع واكرر كلمةٍ لي بسكات = ياليتنا عقب البطا ماالتقينا


الــــــــــــــــــجزء الثــــــــــــــــــاني


تكررت عقب البطا والتقينا = من عقب مامرن سنينٍ طويلات


في صدفةٍ فيها حشا مادرينا = ولاهقينا نلتقي عقب مافات


لاشك جابتها الليالي وجينا = رغم الفراق ورغم ذيك المسافات


في موقٍف بان التوتر علينا = لحظه تلين إبها القلوب القويات


قالت شلونك قلت ربك عوينا = الحمد لله عاضني عقب لوعات


الله رزقني في هنوفٍ تبينا = احيت خفوقٍ كان بعداد الأموات


هي نور عيني فرحتي والضنينا = ألقابها عن ظيقة الصدر سجات


قالت سليت وقلت عقبك سلينا = لكن عقب مالاعنا الحب مرات


قالت شلون وقلت لاتسألينا = مافات فات ولا تفيد الحسوفات


قالت تكلم قلت مهما حكينا = الدمع ماينفع عزيزٍاليامات


قالت نسيت وقلت لامانسينا = لكن قنعنا والقناعه من الذات


قالت أروح وقلت وش في يدينا = روحي عسى في كل خطوه سلامات


بصبر على فرقاك مهما حيينا = ولا تشوه صادق الحب زلات


قالت على ماكنت دنيا ودينا = تكرم ونكرم عن دروبٍ رديات


قلت اسمحيلي قبل لاترحلينا = يم الديار اللي علينا بعيدات


تراي ذخرٍ لاحدتك السنينا = اجيك مهما واجهتني صعوبات


من اليوم اخوك وغيرها ما بغينا = كلي فداك ان صار بالوقت ميلات


وتبسمت بإعجاب مدري حنينا = وتهشمت قدام عيني بعبرات


قالت فمان الله قلت انتهينا = واقفت تكلم نفسها بس بسكات


وقفت تقديرٍ لها ثم مشينا = دربٍ مشوه اهل القلوب العفيفات


امشي واردد ليتنا ماالتقينا = وش جابها عقب السنين الطويلات


يهمني تقييمكم حبايبي




توقيع : عبود الشمري





2011-12-10, 06:46
المشاركة رقم:
...::|المدير العام|::...
...::|المدير العام|::...


إحصائية العضو
avatar

مُشارڪاتے •|~ : 4022
التقييمے•|~ : 4
جنسے •|~ : ذكر
بلدے •|~ : السعوديه
تعليمے •|~ : ثانوي
آنضمآمڪْ » : 26/07/2011
معاينة صفحة البيانات الشخصي للعضو
مُساهمةموضوع: رد: قصيدةة عن الفراق اليممممممةة


قصيدةة عن الفراق اليممممممةة


و الله اليييييييمه جدأأأأأأ

تسلم يديك على الموضوع ..

ولك احلى تقييم ..




الموضوع الأصلي : قصيدةة عن الفراق اليممممممةة // المصدر : منتديات أحلى حكاية // الكاتب: mr.slomy


توقيع : mr.slomy






لمراسله الاداره في الماسنجر >> من هنا <<

للشكاوي و الاقتراحات >> من هنا <<

>> mr.slomy <<




الــرد الســـريـع
..



الذين يشاهدون محتوى الموضوع الآن : 20 ( الأعضاء 3 والزوار 17)



تعليمات المشاركة
صلاحيات هذا المنتدى:
لاتستطيع الرد على المواضيع في هذا المنتدى

BB code is متاحة
كود [IMG] متاحة
كود HTML معطلة




Powered by A7la-7ekaya™ By RaChidRaChod
Copyright © 2015 Ahlamontada Forum, Inc. All rights reserved. منتديات